Strategaeth Iaith Ceredigion 2018-23 Ymgynghoriad Mae Cyngor Sir Ceredigion yn ceisio sylwadau mewn perthynas â Strategaeth Iaith Ceredigion 2018-2023.Cyd-destunMae’r Strategaeth hon yn gosod sut bydd y Cyngor, drwy weithio mewn cydweithrediad gyda sefydliadau partner eraill, yn mynd ati i hybu’r Gymraeg ac i hwyluso defnydd o’r Gymraeg yn ehangach o fewn yr ardal leol. Mae’r Strategaeth yn gosod sefyllfa cyfredol y Gymraeg ac agweddau demograffig yng Ngheredigion. Yn ystod yr ugeinfed ganrif, bu dirywiad parhaus yn nifer a chryfder cymunedau ledled y sir sy’n defnyddio’r iaith Gymraeg fel eu prif fodd o gyfathrebu. Mae nifer o ffactorau a wnaeth gyfrannu at y dirywiad ieithyddol, ac mae’r rhain yn parhau i fod yn heriau sy’n berthnasol i sefyllfa'r Gymraeg yng Ngheredigion heddiw:- Teuluoedd ddim yn trosglwyddo’r iaith Diffyg cyfleoedd cymdeithasol cyfrwng Cymraeg, hyn yn effeithio ar hyder unigolion yn eu gallu a’u sgiliau Allfudo pobl ifanc Diffyg cyfleoedd gwaith yn lleol Statws isel y Gymraeg fel iaith busnes Diffyg argaeledd tai a thai fforddiadwy Symudoledd demograffeg Ym maes Polisi a Chynllunio Ieithoedd, cydnabyddir bod cynaliadwyedd yr iaith Gymraeg yn ddibynnol ar y broses o gryfhau cymunedau Cymraeg, a hynny trwy ddarparu digon o gyfleoedd addysgol, diwylliannol a chymdeithasol i ddefnyddio’r iaith o ddydd i ddydd. Drwy greu’r amgylchiadau cywir, bryd hynny y mae modd sefydlu dwyieithrwydd gwirioneddol. Felly, er mwyn sicrhau cynaliadwyedd y Gymraeg yng Ngheredigion, mae angen cyfuniad o dair amod: Y gallu i ddefnyddio’r iaith Y cyfleoedd i’w defnyddio Yr awydd i’w defnyddioNod y strategaeth hon fydd cynnal a hyrwyddo’r Gymraeg ym mhob agwedd posib ar fywyd, ynghyd ȃ dangos ffyrdd ar gyfer grymuso rhwydweithiau cymdeithasol cyfrwng Cymraeg mewn ardal ddwyieithog. Nid yw’r Strategaeth hon yn medru cynnwys yr holl bethau sydd angen ei wneud i sicrhau bod y Gymraeg yn ffynnu yng Ngheredigion; fodd bynnag, y nod yw bod mor realistig â phosib, yn unol ȃ’r hyn sydd o fewn maes ein dylanwad fel Fforwm Iaith Dyfodol Dwyieithog Ceredigion. Darllenwch Strategaeth Iaith Ceredigion 2018-2023, ac yna rhowch eich sylwadau ar y ffurflen adborth hwn. Rydym yn gwerthfawrogi eich barn, a bydd eich sylwadau yn cael eu hystyried wrth gyhoeddi’r Strategaeth derfynol. Ffurflen Adborth Question Title * Cwestiwn 1:Ein Gweledigaeth: Yr hyn a garem yw Ceredigion wirioneddol ddwyieithog, felly mae’r Strategaeth yn ceisio crynhoi’r canlyniadau a geisir yng Ngheredigion dros y blynyddoedd nesaf sef: statws cadarn i'r iaith Gymraeg gyda defnydd ohoni ym mhob agwedd ar fywyd cyhoeddus yn y sir, bri yn cael ei roi ar y Gymraeg ar draws y sir - yn addysgol, yn economaidd ac yn gymdeithasol, cyfleoedd niferus i bobl o bob oedran allu dysgu Cymraeg yn ogystal â threfniadau dibynadwy i'w cymhathu i rwydweithiau Cymraeg o'u dewis, cymunedau Cymreig hyfyw lle mae'r Gymraeg yn iaith gyfathrebu naturiol gwasanaethau cyhoeddus ar gael i bawb yn Gymraeg neu'n ddwyieithog heb rwystr, trigolion y sir, o bob cefndir, yn cael y cyfle i ddathlu’r Gymraeg, trwy gymryd rhan a chyfrannu at dreftadaeth ddiwylliannol gyfoethog Ceredigion. Ydych chi’n cytuno gyda’r weledigaeth gyffredinol a nodir uchod? Ydw Nac ydw Nodwch unrhyw sylwadau yma Question Title * Cwestiwn 2:Er mwyn cyfrannu tuag at y weledigaeth mae Strategaeth Iaith Ceredigion wedi adnabod tri maes strategol. Mae’r nodau strategol hyn wedi’u llunio fel eu bod yn cydgordio gyda meysydd strategol Llywodraeth Cymru yn Strategaeth y Gymraeg 2050 Miliwn o Siaradwyr Cymraeg. Hyn er mwyn sicrhau rhaeadru strategol o’r lefel uchaf i’r lefel lleol. Nod Strategol 1. Cynyddu sgiliau iaith trigolion CeredigionNod Strategol 2. Cynyddu’r cyfleoedd i ddefnyddio’r Gymraeg yng NgheredigionNod Strategol 3. Sicrhau amodau cymdeithasol sy’n galluogi’r Gymraeg yng Ngheredigion.Ydych chi’n cytuno gyda’r 3 nod strategol uchod? Ydw Nad ydw Nodwch unrhyw sylw Question Title * Ar gyfer pob un o'r 3 nod strategol rydym wedi adnabod meysydd blaenoriaeth, er mwyn cyflawni’r nod hwnnw.Cwestiwn 3:Nod strategol 1: Cynyddu sgiliau iaith Gymraeg trigolion Ceredigion.Meysydd Blaenoriaeth:1.1 Sicrhau bod cenedlaethau newydd yn caffael sgiliau Cymraeg sylfaenol ar y cyfle cyntaf.1.2 Sicrhau bod myfyrwyr 3-19 oed yn caffael ac yn datblygu eu medrau Cymraeg yn ystod eu gyrfa addysgol.1.3 Sicrhau cyfleoedd digonol i oedolion gaffael a datblygu eu sgiliau Cymraeg: yn y gweithle ac yn y gymuned.I gael rhagor o wybodaeth ynghylch sut byddwn yn mynd i’r afael ȃ hyn ewch i dudalennau 20-21 o’r Strategaeth.Ydych chi’n cytuno gyda’r meysydd blaenoriaeth sydd wedi’u hamlinellu uchod ? Ydw Nad ydw Ar ȏl i chi ystyried y wybodaeth ar dudalennau 20-21, a oes unrhyw gyfleoedd eraill y dylem fod yn rhoi sylw penodol iddynt Question Title * Cwestiwn 4:Nod strategol 2: Cynyddu’r cyfleodd i ddefnyddio’r Gymraeg yng Ngheredigion, mewn amrywiol gyd-destunau. Meysydd Blaenoriaeth:2.1 Cynnal a chynyddu’r defnydd o Gymraeg ar lefel gymunedol.2.2 Cynnal a chynyddu’r defnydd o Gymraeg wrth ddarparu a derbyn gwasanaethau cyhoeddus.2.3 Cynnal a chynyddu’r defnydd o Gymraeg mewn gweithleoeddI gael rhagor o wybodaeth ynghylch sut byddwn yn mynd i’r afael ȃ hyn ewch i dudalennau 23-25 o’r Strategaeth.Ydych chi’n cytuno gyda’r meysydd blaenoriaeth sydd wedi’u hamlinellu uchod ? Ydw Nad ydw Ar ȏl i chi ystyried y wybodaeth ar dudalennau 23-25, a oes unrhyw gyfleoedd eraill dylem fod yn rhoi sylw penodol iddynt Question Title * Cwestiwn 5:Nod strategol 3: sicrhau amodau cymdeithasol sy’n galluogi’r Gymraeg i ffynnu yng Ngheredigion Meysydd Blaenoriaeth:3.1 Cynnal statws a bri’r Gymraeg o fewn y gymdeithas, gan hyrwyddo ei gwerth a’r defnydd ohoni.3.2 Sicrhau economi ffyniannus sy’n rhoi gwerth ar y Gymraeg ac ar sgiliau Cymraeg y gweithlu.3.3 Sicrhau cymunedau cynaliadwy lle y defnyddir y Gymraeg fel cyfrwng cyfathrebu arferol.I gael rhagor o wybodaeth ynghylch sut byddwn yn mynd i’r afael ȃ hyn ewch i dudalennau 27-29 o’r Strategaeth.Ydych chi’n cytuno gyda’r meysydd blaenoriaeth sydd wedi’u hamlinellu uchod ? Ydw Nad Ydw Ar ȏl i chi ystyried y wybodaeth ar dudalennau 27-29, a oes unrhyw gyfleoedd eraill y dylem fod yn rhoi sylw penodol iddynt? Question Title * Cwestiwn 6: Os oes gyda chi unrhyw sylwadau ychwanegol neu gyffredinol am y Strategaeth, gallwch eu nodi isod: Question Title * Cwestiwn 7: A oes yna rȏl i chi eich hun neu eich sefydliad wrth geisio cyflawni’r weledigaeth yn y Strategaeth? Oes Nac Oes Nodwch eich rȏl os gwelwch yn dda a pha nod strategol y byddai’n cyfrannu ato? Question Title * Cwestiwn 8: Nodwch ar ran pwy ydych chi’n cwblhau’r holiadur: Ar ran sefydliad neu fusnes Fel unigolyn Nesaf